تیڈا فلاں کم میݙے جن کروا سڳدن

اگر آپدے علاقے وچ کوئی پیر گدی نشین اے دعویٰ کریندے کہ اُندے تعویز بہوں زیادہ پُر اثر ھِن اکثر پیر گدی نشین مخدوم سائلاں کوں اَھدن تیڈا فلاں کم ساڈے جن کروا ڈیسِن تیڈا فلاں کم میݙے جن کروا سڳدن ۔۔۔۔

فلاں کم تھی ویسے ۔۔۔۔۔

جن تعویز کڈھ تے آ سڳدن ۔۔۔وغیرہ وغیرہ ۔۔۔

اگر آپ اینجھے پیر ۔۔گدی نشین ۔۔مخدوم کوں ڄاݨندن تاں برائے مہربانی اوکوں اکھیں سائیں ساڈے علاقے دی سڑک بھن تروٹ دا شکار ھِ سکول دی عمارت کائنی ۔۔نہر دا پاݨی چھ مہینے آمدے چھ مہینے نہیں آمدا ۔جنات پاݨی دا بندوبست کرن ۔۔پاکستان دے سرمایہ داراں دی سوئس بنکاں وچ رکھی ڳئی دولت جنات دے ذریعے کڈھائی ونڄ سڳدی ھِ تاں اے کم فوراً کیتا ونجے۔۔۔زرداری ۔۔۔نواز شریف ۔۔شہباز شریف تے ݙوجھے کرپٹ لوکاں نے جو دولت پاکستان کِنوں لُٹی ھِ ایں دولت کوں وی پیر ۔۔گدی نشین ۔۔مخدوماں دے جنات دے ذریعے واپس گھدا ونج سڳدے تاکہ جنات اے دولت واپس گھن آوین۔۔۔تاکہ پاکستانی عوام کوں غربت ۔۔ مہنگائی توں بچایا ونڄ سڳے۔۔فصلاں کوں کیڑے لڳ ویندن تے نقصان تھیندے ۔۔۔ جنات منگلا ڈیم ۔۔تربیلا ڈیم وچوں مِٹی کڈھ ڈیوین تاکہ پاکستان دی بجلی دی ضروریات کوں پوری کیتا ونج سڳے ۔۔کالا باغ ڈیم بݨاوݨ وچ وی جنات تعاون کرن ۔۔۔تاکہ پاکستان دا اجتماعی فائدہ تھی سڳے ۔۔۔۔اگر کوئی پیر گدی نشین مخدوم اپݨے جنات دے ذریعے اے سب کم نہیں کروا سڳدا تاں یقین کریں آپ اپݨے پیسے ضائع کریندے پِن۔۔آپدا پیسہ ضائع تھیندا پئے آپدا پیسہ کُھو کھاتے ویندا پئے۔۔۔آپکِنوں درخواست ھِ آپ جو پیسے کہیں پیر ۔۔گدی نشین ۔۔۔مخدوم کوں خرچ کریدن ؟ اوں پیسے کوں بالان دی صحت تے لاتا ونجے۔۔ ٻال دعا ڈیسن رزق وچ رب اضافہ کریسے۔اے پیسہ ٻالاں دی تعلیم تے لاتا ونجے اپ ایں پیسے کوں اپݨی فیملی تے خرچ کریں تاکہ ٻال پڑھ لکھ تے سرائیکی وسیب دا سرمایہ بݨ سڳن ۔۔۔اِنھاں پیراں ۔۔گدی نشیناں ۔۔مخدوماں تے پیسہ خرچ نہ کریں اِنھاں پیراں گدی نشیناں مخدوماں کوں چاہیے جو پیسے مریداں توں گھندن اپݨے جنات دے زور تے عالمی بنک وچ ݙاکہ مارن ؟ ۔۔یاں امریکہ دے بنکاں وچوں تجوریاں توڑ تے زیور کڈھ آّوین ڈالر کڈھ آوین۔۔یاں سوئس بنکاں وچ زرداری ۔۔۔نواز شریف ۔دی رکھی ڳئی دولت کڈھ آوین تاکہ پاکستان دا فائدہ تھی سڳے۔۔۔۔۔

شکریہ ڄام محمد بھورل گھلیجہ